Mətbəx üçün stol və stul necə seçilməlidir?
Müasir ailələr klassik mətbəx anlayışından uzaqlaşaraq daha praktik və rahat istifadə olunan sahələrə üstünlük verir. Özünüz və ailəniz üçün uyğun stol stul seçməzdən əvvəl mətbəxin ölçüsünü, istifadə tələblərini, ümumi interyeri və xoşunuza gələn mebel üslubunu nəzərə almaq vacibdir.
Mebelshop.az saytında mətbəx üçün stol və stul seçərkən ölçü, yerləşdirmə və model uyğunluğunu düzgün müəyyən etməyi öyrənəcək.
Mətbəx üçün stol və stul ölçüləri necə olmalıdır?
Fərqli ölçü, forma və dizayna malik çoxsaylı variantlar arasında düzgün seçimi etmək bəzən çətin görünə bilər. Bu sahədə təcrübəli olanlar mətbəx sahəsinin maksimum səmərə ilə istifadə edilməsini və ölçü seçimində əsas qaydaların nəzərə alınmasını vacib hesab edir.
Stolun ölçüsü müəyyən edilərkən əsas diqqət oturacaq insanların sayına və stol ətrafında sərbəst hərəkət imkanına yönəldilməlidir. Həm oturanlar arasında, həm də stolun ətrafında kifayət qədər boşluq olmalıdır ki, istifadə zamanı narahatlıq yaranmasın. Ümumi yanaşmaya görə stolun eni ən azı 90 sm olmalıdır. Bu ölçü rahat hərəkət etməyə, yeməklərin servis olunmasına və oturanların özlərini sıx hiss etməməsinə imkan yaradır. Stolun uzunluğunu müəyyən etmək üçün eyni anda neçə nəfərin istifadə edəcəyini nəzərə almaq lazımdır. Məsələn, 6 nəfərlik istifadə üçün hər kəsin rahat yerləşməsi baxımından sahə ən azı 3 kvadrat metr olmalıdır. Bu ölçü əlavə olaraq 1-2 nəfər üçün də yer imkanı yarada bilər.
Mətbəx stol və stulları ilə divar arasında minimum 100 sm məsafə saxlanmalıdır. Eyni məsafə digər mebellərlə də qorunmalıdır ki, hərəkət rahatlığı təmin olunsun.
Müasir mətbəx stol və stul modelləri
Fərqli forma, rəng və ölçülərə malik müasir modellər müxtəlif tələblərə uyğun həllər təqdim edir. Ağ rəngli stol və uyğun stullar açıq tonlu mətbəxlərdə səliqəli və geniş görüntü yaradır. Açıq rənglər məkanı daha geniş göstərir. Kiçik ölçülü yuvarlaq stol və iki stuldan ibarət modellər dar məkanlar üçün uyğun variantdır. Bu tip modellərdə incə konstruksiya seçilməsi sahənin sıx görünməsinin qarşısını alır. Şüşə səthli stol modelləri interyerə fərqli görünüş qatır və müasir təsir yaradır. Lakin təmiz saxlanması daha diqqət tələb edir və səthdə əks olunmalar vizual olaraq qarışıqlıq yarada bilər.
Bəzi müasir dizaynlarda hündür stol və uyğun stullara da rast gəlinir. Bu modellər daha qısa müddətli istifadə üçün uyğundur və məkanda fərqli səviyyə effekti yaradaraq interyerə dinamik görünüş verir.
Stol stul alarkən edilən səhvlər
Stol və stul seçərkən ən çox rast gəlinən səhvlərdən biri ölçünün düzgün hesablanmamasıdır. Çox böyük stol məkanı sıx və hərəkəti çətin edir, çox kiçik stol isə istifadə zamanı narahatlıq yaradır. Digər geniş yayılmış səhv stol və stulun bir-biri ilə uyğun olmamasıdır. Hündürlük fərqi düzgün seçilmədikdə oturmaq rahat olmur, uzun müddət istifadə zamanı narahatlıq yaranır.
Material seçiminə diqqətsiz yanaşmaq da ciddi problemlərə səbəb olur. Asan çirklənən və ya tez zədələnən materiallar istifadə zamanı əlavə çətinlik yaradır. Dizayna həddindən artıq fokuslanıb funksionallığı ikinci plana atmaq da düzgün yanaşma deyil. Yalnız görünüşə əsaslanaraq seçilmiş stol və stul istifadə zamanı gözlənilən rahatlığı vermir. Estetik görünüşlə yanaşı praktik istifadə imkanları da mütləq nəzərə alınmalıdır.
